Itinaas na sa Tropical Storm category ang bagyong “LUIS” na nasa 1,075 km East Northeast ng Extreme Northern Luzon.
Taglay nito ang lakas ng hangin papalo sa 75 km/h malapit sa gitna at pagbugsong aabot sa 90 km/h.
Kumikilos ito pahilaga sa bilis na 20 km/h.
Samantala, binabantayn din ng PAGASA ang isang Low Pressure Area (LPA) na huling namataan sa 335 km East ng Guiuan, Eastern Samar .
Dahil sa LPA asahan ang maulap na kalangitan na may kalat-kalat na pag-ulan at pagkidlat-pagkulog sa Silangang Visayas, Caraga, at Bohol.
Ang Metro Manila at ang nalalabing bahagi ng bansa ay makakaranas ng bahagyang maulap hanggang sa maulap na papawirin na may pulu-pulong mga pag-ulan o pagkidlat-pagkulog dahil sa localized thunder storms.