TANGALAN, AKLAN—Gin-anunsyo it LGU Tangalan, Aklan nga bukas eon do andang banwa sa pagbaton it uman it mga bisita.
Raya hay sandig sa ginpaguwa nga Executive Order No. 022 it gobernador ku September 7, 2021 kung siin ginpasugtan eon do amat-amat nga pagbukas it industriya it turismo sa probinsya it Aklan.
Kaangot kara, ginpadumdom do mga bisita nga hugot sa gihapon nga ginapatuman do “no facemask, no entry policy, 50% capacity eamang do pagapasugtan sa tanan nga establishemento ag do pag-obserbar sa tanan nga oras it social distancing.
Samtang, magabutang man it checkpoints kada adlaw it Sabado ag Domingo pasueok sa Jawili beach do Tangalan PNP, Jawili Barangay Council, Tangalan BFP, at Tangalan MDRRMO ag do mga Barangay Tanods man hay magalibot sa tanan nga mga resorts agud nga masiguro nga ginasunod do protocols.
Do banwa it Tangalan hay kilala bangud sa mga sa mga sikat tourist spot kapareho it Jawili beach, Jawili falls ag Afga rock formation. // SHERRY ANNE REUNIR-VIDAL