NAKAHIMAMAT ni Brigada Elmer V.Catulpos silang Pangulong Rodrigo Duterte ug Presidential aspirant Sen.Lawrence “Bong”Go kagahapong adlawa sa ilang pagbisita sa GenSan.
Giinspeksyon sa Pangulo ang nakumpleto nga development projects sa airport ug seaport sa GenSan.
Samtang nang-apod apod usab og hinabang si Sen.Bong Go sa mga solo parents ug paghatag og shelter assistance sa mga nabiktima sa sungo sa purok Saeg,Calumpang ug nibisita sa Malasakit center sa GenSan.
Ang giinspeksyon usab sa Pangulo mao ang nahuman nga proyekto sa Gensan airport ang gilangkuban sa expansion ug rehabilitation sa kasamtagang Passenger Terminal Building, installation sa navigational aids ug construction sa Administration Building.
Nasayran nga gipalapdan sa Department of Transportation kun DOTr ang PTB nga karon sarang maka-accommodate sa kapin duha ka milyon ka pasahero kada tuig itandi sa previous capacity nga 800,000 passengers sa matag tuig.
Ang maong mga development projects gipangunahan sa DOTr ug Civil Aviation Authority of the Philippines nga mga mahinungdanong mupalambo sa ekonomiya, turismo ug paglambo sa komersyo samtang giablihan ang daghang income-generating opportunities sa GenSan ug kinatibuk-ang rehiyon 12.