Ku Enero 1, ap-at katawo ro naninhan bangud nagbungguan ro andang mga saeakyan sa Barangay Lawaan, Roxas City.
Ro mga ninhan hay kanday Johnny Duran Jr., 26, ag asawa nga si Jelyn, 27, it Barangay X, Roxas City; ag Jan Matthew Bañares, 25, ag Carmela Joy Luching, 26, it Barangay Bolo, Roxas City.
Samtang sa nasambitan man nga adlaw, gintamaan it stray bullet ro sambilog 25-anyos nga residente it Barangay Dacuton, Dumarao, Capiz.
Sakay it motorsiklo si Cloe Develos nga ginamaneho man ni Mark Lawrence Mateo kat bigla nga nakabatyag ro biktima it pagsakit sa likod. Idto nana nga nadiskubrehan nga may tama it bala.
Gindaea si Develos sa ospital para mataw-an it nakaigo nga pagbuoeng.
Samtang, nabunggo sa sambilog ka motorsiklo ro sambilog ka 18-anyos nga eaeaki ku Sabado it gabii sa Barangay Anhawon, banwa it Panay.
Si Adrian Anoche hay residente it Barangay Bahit, Panay, Capiz.
Gindeklara imaw nga “dead on arrival” sa Health Centrum Hospital .
Ku weekend man, sambilog ka rider ro namatay. Nabunggo ro anang motorsiklo ro sambilog ka barrier sa Sitio Paglaum, Barangay Gibato, Dumarao Capiz.
Si Diodindo Dumaan, 21, it Barangay Agbatuan, Dumarao hay paadto kunta sa Iloilo. nag-angkun raya it matindi nga nina ag gindeklara man nga “dead on arrival” it Dao District Hospital.
Bukod pa dikara, bangud segun sa selos, ginbuno it sambilog ka 31-anyos nga laeaki ro anang 19-anyos nga live-in partner sa Barangay Tanque, Roxas City.
Gindaea sa RMPH ro uwa pa ginpangaeanan nga biktima samtang ginpreso ro suspek sa Roxas City Police Station./JIL B. LACSON