Namintinar sa Probinsya sa Sugbo ang posisyon isip labing adunahan nga probinsya sa nasud sulod sa siyam ka sunodsunod nga tuig.
Base kini sa 2022 Annual Financial Report sa Commission on Audit sa Local Government Units (LGU).
Sa datos sa COA niadtong 2022, ang asset’s sa Probinsiya sa Sugbo misaka ngadto sa P235.738 billion gikan sa P215.27 billion niadtong 2021.
Ang mga dakbayan sa Mandaue ug Sugbo sa lalawigan sa Sugbo nagpabilin usab sa top 10 nga pinakadato nga siyudad sa nasod.
Giilog sa Mandaue ang ika-unom nga pwesto sa Cebu City gikan sa ikapito sa 2021 nga adunay P34 billion nga kantidad sa mga kabtangan.
Ang Cebu City mius-os ngadto sa ika- walo nga pwesto nga adunay P30 billion nga kantidad sa mga kabtangan, mas ubos sa P33.3 billion niadtong 2021.