TAKDANG magbutang og community pantry ang City Population Office sa GenSan alang sa mga panginahanglanon sa condom, pills ug uban pang contraceptive methods.
Kini ang gibutyag ni City Population Officer Judith Janiola sa pakig-alayun sa Department of Health kun DOH-12 ug sa regional Population Commission.
Dugang ni Janiola nga sa sentrong bahin sa syudad takdang ipahimutang ang maong community pantry aron mahimong accessible sa mga katawhan.
Dili lang sa mga sexually active ang tumong nga mahatagan og condoms ug ubang pangdepensa alang sa igong pagplano sa pamilya apan alang sa tanan nga gusto nga may proteksyon.
Gawas niini sogyot usab ni Janiola nga magbutang og mga reading materials sa pantry aron adunay giya ang katawhan, unsaon ang family planning ug ubang gamit sa contraceptive methods.
Sa datos niini, ang populasyon sa nasud gadugang og kapin milyon sa kada tuig hinungdan nga kinahanglan matud pa ang pagpugong ug pagplano ug proteksyon usab gikan sa mga adunay multiple sex partners.