Magpabilin sa Modified Enhanced Community Quarantine kon MECQ ang syudad bisan pa man ang kanunay nga pag-una niini sa tibook nasud sa dunay pinakadaghang natalang kaso sa COVID-19 gumikan sa surge.
Kini ang giihingusgan ni Davao City Mayor Sara Duterte-Carpio sa miaging Sabado human girekomenda sa OCTA Research nga kinahanglan iupgrade ngadto sa enhanced community quarantine ang estado sa syudad.
Sigon sa alkalde, wala pa nahisgutan sa lebel sa syudad ang ECQ classification inay padayon nga sundon sa City LGU ang guidelines nga giimposar ubos sa MECQ lakip na ang pagpatuman sa nagkadaiyang Executive Orders sa dakbayan.
Nagtuo ang opisyal nga epektibo ang maong mga kamanduan sa pagkontrola sa COVID-19 trasmission.
Hinoon gibutyag sa Mayor nga usa sa mga lakang nga makapakgang sa pagkaylap pa sa kagaw ang gipakusgang vaccination drive sa nagkadaiyang vaccination sites.
Una nang gibutyag sa Davao City COVID-19 task Force nga usa sag a hinungdan sa pagdaghan sa mga natalang kaso tungod sa gipakusgan nga surveillance testing ug contact tracing sa lokal nga panggamhganan. BNFM-DAVAO
