Nakiisa narin ang Department of Education sa mga health experts laban sa inamyendahang vape bill, na naghihintay nalang ng approval ni Pangulong Rodrigo Duterte.
Ang vape regulation bill ay isinumite ng Senado kay Duterte noong nakaraang taon, kung saan ito ay nagpapababa sa edad ng mga indibidwal na pinapayagang bumili at gumamit ng e-cigarettes at vapes mula sa 21 sa 18-taong gulang.
Ayon sa Deped, kailangang i-veto ng pangulo ang “anti-health” vape bill.
Binigyang diin ng ahensya na daan-daang libong ng mga senior high school students ang nasa proseso palang ng pag-mature at at ang pagkatuto nila ay posibleng makuha mula sa mga advertisements ng naturang “harmful products”, sakaling maging ganap na batas ito. //MHEL PACIA-TRINIDAD