Ibinahagi ng Comelec na nasa 73% o 49 million mula sa mahigit 67 million na mga balota para sa May 9 elections ang naiimprinta na.
Ayon kay Comelec Commissioner Marlon Casquejo, na sa 13 rehiyon kabilang na ang BARMM (Bangsamoro Autonomous Region in Muslim) at CAR (Cordillera Administrative Region) ay 73.7 percent nang naimprinta.
Kaugnay nito, halos lahat umano ay 100 percent nang printed maliban ang para sa NCR, na sinimulan palang kahapon, at may natitira pang mga balota para sa Region 3, na 65 percent palang na printed.
Dagdag ni Casquejo, ang mga printed ballots ay kailangan pang pumasa sa verification bago ideploy. //MHEL PACIA-TRINIDAD