Walang naiulat na suspected case ng monkeypox sa bansa ang Department of Health mula noong buwan ng Agosto.
Sa ngayon, nananatili sa 4 ang bilang ng monkeypox infections sa bansa at ang pasyente ay gumaling na.
Ayon kay DOH officer-in-charge Maria Rosario Vergeire, ang ika-apat na kaso ng monkeypox sa bansa ay na-discharge mula sa isolation noong Setyembre 15.
Sinabi pa ni Vergeire na mayroong 20 hinihinalang kaso ng monkeypox ang nai-ulat noong Agosto ngunit negatibo ang resulta ng kanilang pagsusuri.
Ilan sa sintomas ng monkey pox ay lagnat, pananakit ng kalamnan at malalaking sugat sa balat. //MHEL PACIA