NAGPATABANG sa Brigada News- GenSan ang usa ka drayber human gireklamo ang personahe sa Traffic Enforcement Unit (TEU).
Human kini giisyu og citation ticket gumikan sa pagsupak sa balaud trapiko ug giimpound pa ang iyang traysikel.
Sa sumbong ni Jeffrey Senineng, nakurat siya dihang gi-tow ang iyang motorsiklo ug giimpound.
Apan tubag ni Police Major Oliver Pauya, hepe sa TEU giimpound ang traysikel niini human nasuta nga walay prangkisa sa pagpamasahero. Basehan ni Pauya kalabut niini mao ang nasudnong balaud nga nagbawal sa pagpasahero nga walay prangkisa gikan sa LGU.
Sa GenSan, luyo sa nagpadayon nga pagdawat og aplikasyon aron makakuha og prangkisa sa traysikel sa LGU.
Pipila ka mga drayber ang wala pa nakakuha og ubang rekisitos alang sa prangkisa gumikan sa gikaengong pagpangayo og klaripikasyon sa Public Safety Office (PSO) kalabut sa requirements.
Sa GenSan dunay transport code asa tua ang franchising guidelines samtang duna usab Ordinance No.31 nga revise franchising guidelines. I Richel Gubalani