Utro nga nagklaro an Department of Social Welfare and Developement o DSWD-Regional Office 8 nga deri pa gin papatuman an tag 1k kada bulan nga Social Pension para han mga Senior Citizen.
Dida han makahimangraw han Brigada News Fm Tacloban hi Atty. Jonalyndie Chua, Information Officer han DSWD-8 gin tagan hini hin duon nga deri pa implementado an mao nga umento mahitungod an natura nga balaud in hihimuan pa hin mga Impelmenting Rules and Regulation han magkalainlain nga ahensya ha pangunguna hiton National Commission Of Senior Citizens.
Kasumpay hini ginklaro han mao nga opisyal nga an mga indigent Senior Citizen la an mga kwalipikado ha nasabi nga benipisyo, karuyag singon nga an mga kalagsan nga may nasuporta nga pamilya, may mga pension ha pribado nga kompanya ngan maupay iton kabutang in deri kwalipikado han mao nga benipisyo.
Ha butnga hini gin klaro ni Atty. Chua nga yana in nagpapabilin nga 500 pesos la gihapon an nakakrawat nga social pension kinada bulan pero oras daw nga mahimuan na hin IRR an mao nga baluad in awtomatik nga ig uupdate an social pension han ngada ha Php 1000.