Malampusong napahigayon sa Buso National High School ang Social Culture Art Exhibit.
Kini gisalmotan sa dul-an 100 ka mga estudyante sa Grade 11 sa maong tulunghaan lakip mga magtutudlo alayon sa ilang subject nga Understanding Culture Society and Politics kon UCSP.
Lakip sa mga gipang display sa maong art exhibit ang mga painting nga gama sa water color, acrylic, duga sa kamunggay og uling. Aduna usab display sa photography nga kuha sa ordinary lang nga mga mobile phones ingon man caricature ug diorama diin naipakita usab ang ka-resourceful og ka-creative sa mga estudyante.
Matud ni Ms. Alie Grace Soliven-Ibañez, ang adviser sa Grade 11 ug nanguna sa nasangpit nga aktibidad, usa kini ka re-echo sa kasinatian sa mga estudyante sa pagbisita sa art exhibit sa SP Building ug Gabaldon Mati City atol sa selebrasyon sa National Heritage Month sa miaging bulan.
Sa pikas bahin, mitambong usab sa maong kalihokan ang usa sa artists sa grupong Prisma De Oriente nga si Ma’am Jing Cayacay Rabat, ingon man ang mag igsoong art enthusiasts sa Mati City nga sila si Sir Michael Winston “Tamic” O. Espinosa ug Ma’am Vanessa “Danggay” O. Espinosa diin proud and loud sa mga nahimong efforts sa mga estudyante ug sa kinatibuk-ang pwersa sa Buso National High School.
Sa pakighinabi kang Jing Cayacay Rabat, ang usa sa artists sa grupong Prisma De Oriente sa Mati City, nalipay siya sa gipakitang talento ug dedikasyon sa mga estudyante diin nakita usab niya ang dakung potensyal niini kauban ang pahimangno nga humanon sa gyud ang pagtuon usa ang pagiging artist gumikan kay kung nakahuman na sa pagtuon pwede nalang himoong hobby o kalingawan ang pagiging artist.
Samtang, malipayon usab si Buso National High School School Principal 1 Shirley Veronica Silveron sa nahimong kooperasyon sa mga estudyante aron mahimong malampuson ang maong kalihokan. Dugang pa, proud usab siya sa mga estudyante diin matud niya usa kini ka avenue alang sa paghulma sa ilang kahanas sa arts diin magamit nila isip source of income pag abot sa panahon.