DEAD on arrival ang usa ka estudyante human sa nahitabong bangga tali sa duha ka mga motosiklo niadtong Sabado, Oktubre 7 tuig kasamtangan.
Sa inisyal nga imbestigasyon sa Sulop Municipal Police Station, susamang gisubay sa duha ka mga motorsiklo ang KM79, P-8 Brgy. Poblacion, Sulop.
Pag abot sa National Road KM 79, Poblacion duol sa usa ka gasoline, nabanggan sa motosiklo nga gimaneho ni Christianmar Sunico Bernardo, 19, estudyante nga taga-Purok 15 Barrack, Brgy. Guihing, Hagonoy ang lubot nga bahin sa laing motor nga gimaneho ni Roycard Padillo Cabalisa, 56, minyo, driver ug residente sa Purok Santan, Brgy. Santo Rosario Sta. Maria, Davao Occidental.
Naangin pa ang tindahan ni Florito Comahig Cometa, 72, sa dihang nabagnosan sa natumba nga motorsiklo.
Human sa bangga, puros nakaangkon og pangos sa nagkadaiyang bahin sa lawas ang mga drivers hinungdan nga daling gipangdala sa Davao del Sur Provincial Hospital, Digos City.
Apan, wala na natabang og gideklarang dead on arrival ang estudyante sa attending Physician niini nga si Dr. Julius Cada.
Kasamtangan, temporaryong gikustodiya sa Sulop MPS ang driver nga si Cabalisa u gang iyang motor alang sa dugang imbestigasyon.