Naglabas ng babala ang Food and Drug Administration (FDA) hinggil sa pagbili at paggamit ng limang hindi rehistradong produkto na hindi dumaan sa proseso ng pagsusuri nito.
Kabilang sa mga hindi rehistradong produkto ang Angel’s Flo 70% Ethyl Alcohol, Lifepro Skin Care Herbal Care for Skin Derma, Extra Strength Methyl Salicylate + Camphor + Menthol Mega Plus, Methylsalicylate Menthol + Camphor Carlrica Tanglad Liniment Oil, at Methyl Salicylate + Camphor + Menthol + Herbal Extract Power Lab Pito Pito Plus Herbal Liniment Oil Super Strength.
Sa online monitoring ng FDA, napag alaman na ang mga produktong ito ay hindi nakarehistro at walang kaukulang Certificate of Product Registration (CPR) kaya hindi masisiguro ang kalidad at kaligtasan nito.
Nagbabala rin ang ahensya sa lahat ng kinauukulang establisyimento na huwag ibenta ang mga “violative drug products” na ito hangga’t hindi nakukuha ang kinakailangang Product Notification Certificate.