Patay on the spot ug wala na naporma ang lawas sa grab delivery rider human gidaro ug napasok ilalum sa dumptruck ang gimaneho niining motor pasado alas 9 ang takna kagabii sa utlanan sa Bangkal ug Ulas particular sa Crossing Carlos P. Garcia Highway- Ulas Bypass Road, Davao City.
Sumala sa nakaplagang ID sa sakop sa Talomo PNP, ang ID nagdala sa pangalang Jon Crispala Lee nga sumala pa magtutudlo sa Dona Carmen Denia National High School ug nag sideline isip food delivery rider sa Grab ug Food Panda.
Sumala sa driver sa dumptruck nga gipanag iyahan sa Lao Construction nga si Hector Sabangan, iyang nadunggan nga dunay naglagubo sa kilid nga bahin ug nakaplagang nagbuy od na ang lawas sa biktima sa tunga nga bahin sa highway samtang gidaro ilalum sa dumptruck ang motorsiklo sa biktima.
Atol sa hitabo, grabeng traffic ang nasinatian sa maong area tungod nagbuy- od sa tunga nga bahin sa dalan ang lawas sa biktima. BNFM-DAVAO
