Giklaro karon sa Department of Social Welfare and Development Northern Mindanao nga usa sa mga focus sa Food Stamp Program sa gobyerno ang makita ang kalambuan ug ma-empower ang katawhang Pilipino partikular na ang mga naglisod.
Sumala ni DSWD-10 Regional Information Officer Charmaine Tadlas nga buot sa ilang kadagkuan nga matabangan ang mga Pilipino nga dili na magsalig sa gobyerno.
Kini pinaagi sa paghatag og skills training ug livelihood program, diin samtang hatagan sa kahigayonan ang mga benepisyaeyo nga maka-avail sa ayuda, tudluan sab sila nga makapanginabuhian.
Kahibaloan nga muabot sa usa ka milyon ang benepisyaryo sa maong programa, diin kinahanglan sa gobyerno nga mugahin og 40-million pesos nga pundo alang niini sulod sa usa ka tuig.