Sayo pa sa buntag nga naghatud og grasya ang KaBrigada Foundation Incorporated alang sa mga nasunogan sa Barangay Calumpang Nobyembre kwatro sa kaadlawon.
Ang gipanghatag nga hinabang Foodpacks nga gilangkuban sa Bugas,delata ,Gatas ug uban pa nga gikan usab sa mga sponsors,gihakot kini og gidala sa Calumpang Gymnasium ang evacuation area sa Barangay alasingko sa buntag.
Pinaagi sa mga Volunteers sa Brigadahan gipanaug ang mga Foodpacks og pinaagi sa mga Leader sa matag grupo sa mga na biktima gipang apod apod ang pasiunang tabang.
Sumala sa Focal Person sa Barangay Disaster Risk Reduction Management Council nga si Tessie Barral nag mugna sila og unse ka grupo aron mapadali ang proseso sa pag apod apod sa moabot nga pagkaun og mga hinabang.
Nagbutang usab sila og receiving area alang sa maghatag og mga hinabang unya ginasulat sa logbook unya gina hatagan og acknowledgment receipt ang nihatag og hinabang.
Sumala kay Saturnino Lansaderas nagapasalamat sila sa tabang nga gihatag sa Brigada kay una kini sa pagtubag sa ilang gikinahanglan,nakahilak usab ni Retchie Sabio nga nagapanawagan nga unta maka patukod sila og balik sa ilang pinuy-anan.
Wala usab nagpaulahi ang kapulisan pinaagi sa Crimelab 12 sa pagpanguna ni PLT Almasan sa paghatud nila og mga tinapay og kape sayo sa buntag samtang usa ka babaye nga nagmaniho og Trisikad nga nihatud og mga sanina.
Samtang personal usab nga niduaw og nakig estorya si Brigada Elmer Catulpos sa pipila ka biktima nga natulog sa Calumpang Gymnasium unya niadto sa Purok Saeg kung asa nahitabo ang dakung sunog pasado alauna sa hapon Nobyembre tress a hapon.
Sumala kay Evelyn Bacala gipamaulan sila pag ayo sa paghakot sa ilang kagamitan,tulo sila sa iyang mga anak nga naningkamot nga madala ang ilang kagamitan,ang iyang mensahe sa ilang mga silingan nga laban lang bisan kon tapot lawas lang ang ilang nadala. – Ever Diazon