PIPILA ka oras nga dili maagian sa mga dagkung sakyanan ang NLSA Road, Hulyo 18 sa buntag human may dakung sanga sa kahoy ang nabali ug nababag sa dalan.
Alas dose sa udto naabtan sa patrol sa Brigada ang nabali nga dakung sanga sa kahoy nga kamunsil,ang mga sakyanan nga gikan sa Lagao namalik sa agi luwas sa mga tricycle og sikad nga kayang makalusot sa kilid sa kalsada.
Nagrespondi ang taga Solid Waste Management Office sa Barangay Lagao sa pagpanguna ni Marick Arquiza may dala sila nga chainsaw ug daling naputol ang mga sanga sa kamunsil ug naka-agi na ang mga dagkung sakyanan.
Sumala kay Avarquez nga alas nuebe pa sa buntag sa dihang nadawat nila ang impormasyon, gumikan sa hangin nabali ang sanga sa kahoy unya nasangit sa linya sa kuryente ang punoan, wala usab tawo o sakyanan nga naigo sa pagkabali sa karaang kamunsil. ( Ever Diazon)