Padayon ang ginahimong imbistigasyon sa Bansalan Municipal Police Station nunot sa natigayong pagpusil patay kang si Police Staff Sergeant Ric Kim Castillo sa miaging Sabado sa buntag.
Gisubay karon sa otoridad ang duha ka lalaki nga responsable sa pagpusil sa biktima sulod sa compound sa iyang balay sa Rosal St. Barangay Poblacion Uno Bansalan.
Nigawas sa imbistigasyon nga kalit na lamang dunay duha ka lalaking sakay sa motorsiklo ang mihunong tungod sa balay sa pulis nga dunay kaistorya niadtong higayona ug gidool dayon gipusil.
Wala pay nakitang motibo ang imbistigador apan gisiguro nga gukdon ang responsable sa pagluthang sa biktima nga naasigned sa 2nd Company ug team leader sa Kinuskusan Checkpoint. BNFM-DAVAO
