Patay ang isang lalaki matapos itong mabundol ng motorsiklo sa Barangay Sumilang, Calauag, Quezon nitong Linggo, Abril 7.
Sa inisyal na imbestigasyon ng mga awtoridad, binabagtas noon ng motor na minamaneho ni alyas “Rafael”, 25-anyos ang direksyon ng southbound nang aksidente nitong mabundol ang biktima na bigla umanong tumawid.
Nagtamo ng mga injury sa iba’t-ibang bahagi ng katawan ang biktima, driver at dalawa nitong backriders kung kaya isinugod ang mga ito sa hospital subalit idineklarang dead on arrival ng attending physician ang biktima.
Sa ngayon, patuloy pa ring iniimbestigahan ng mga awtoridad ang nasabing aksidente.