Gindumara na han Department of Health pinaagi han Rural Health Unit han Matalom Leyte an paghatag hin siyahan nga bakuna ha mga bata nga babaye nga nag-edad 9 tubtob 13-anyos kontra ha Human Papilloma Virus o HPV.
Sumala kan Marilou Salar han RHU Matalom, nga umabot ha 50 nga mga bata nga babaye tikang ha Barangay Punong ngan Cahagnaan an ira nabakunahan.
Panuyuan han panbakuna ha mga bata nga kababayen-an nga madepensiran an mga ini ha hulga han cervical cancer.
Igindugang pa ni Salar nga tungod nga limitado la nga bakuna an ginhatag han DOH in prayoridad nira an aada ha ligid han karsada nga Barangay.