MALIPAYONG nagpahulagway ug nagpaabot og pasalamat ang mga miyembro sa Brigadahan Gensan sa Barangay Baluan human nga sila na usab ang gipukaw sa ilang coordinator aron mokuha sa ilang ayuda gikan usab sa ilang kapwa miyembro nga nag-inamutay kay apektado sila sa ulahing pagbaha ug sa General Community Quarantine kun GCQ status sa Gensan.
Sumala kay Carmen Balandan Sun, karon palang sila nakadawat og hinabang sukad naigo sa pagbaha milabay nga Mayo 19.
Sumala usab kay Arsenio Angoling sa panahon sa pagbaha naga panagang sila kon asa paingon, gigaid ang ilang payag basin anuron sa tubig baha, wala usab daw siyay kaugalingon yuta sa umahan, nagapang hornal lang, mao nga daku ang iyang pasalamat sa ayuda sa Brigadahan Gensan ug wala siya nagmahay sa pagpamiyembro dinhi.
Gipangunahan ni Melenda Espino, coordinator sa Brigadahan Gensan ang pagtagtag sa ayuda ngadto sa nabahaan, sa ulahing datus sa Brigadahan Gensan, 180 ka putos ang nahatag sa Barangay Baluan samtang 41 sa Barangay Ligaya. ( Ever Diazon)