LEGAZPI CITY – Padagos an pagpapahayag kan nagkapirang mga fisher folks asin parishioners kan saindang pagkokondenar sa planong pagbugtak nin dockyard facility kan Sta. Clara Shipping Corporation sa Sula Channel sa banwaan kan Bacacay.
Sa pagtiripon sa Poblacion kan banwaan, pinahiling kan mga grupo an saindang makusog na pagkondenar digdi.
Ipinahayag ini kan mga grupo sa paagi nin sarong rally sa pangengenot kan mga lider kan komunidad.
Gamit an mga placards, ipinahiling ninda an saindang pahayag na dai pagtugot sa naunambitan nang plano.
Mientrastanto, nakatalaang gigibuhon sa saaga an 3rd and Final Committee Hearing kan revocation kan aplikasyon kan nasambit na korporasyon.