CAMARINES NORTE- Magsasagawa ng isang araw na System Management Committee meeting ang National Irrigation Administration (NIA) sa Camarines Norte sa susunod na linggo.
Gagawin ito sa November 22, mula alas 9 ng umaga hanggang alas 4 ng hapon dito sa bayan ng Daet.
Inimbitahan ng NIA ang kanilang partner agencies tulad ng Department of Agrarian Reform (DAR), Philippine Crop Insurance Corporation (PCIC), National Food Authority (NFA) at Office of the Provincial Agriculturist.
Ang mga ito ay magkakaroon ng kaniya- kaniyang presentation gayundin ang mga Office of the Municipal Agriculturist ng iba’t- ibang munisipyo.
Kabilang sa mga tatalakayin ay ang NIA Devolution Transition Plan, Operation and Maintenance activities, On- going and proposed construction project at NIA Condonation Program.
Sa huling bahagi ng programa ay magkakaroon din ng open forum.
Layon ng aktibidad na magkaroon ng overall planning evaluation ng operation and maintenance activities ng iriigation system kasama na ang mga provision of support services and assistance program sa mga magsasaka na beneficial sa Irrigators Association sa probinsiya.
