Arestado ang isa ka online food seller nga babayi matapos ginkasahan sang drug buy bust operation sang gintingub nga puwersa sang Capiz Police Provincial Drug Enforcement Unit (PPDEU), Station Drug Enforcement Team (SDET) sang Mambusao, Ivisan, Sigma kag Sapian MPS, sa Barangay Bula, Mambusao, Capiz takna alas 7:56 kagab-i sang Biyernes.
Ginkilala ang arestado kay Menchu Go, 44-anyos, residente sang Poblacion Tabuc, sa nasambit nga banwa.
Nakuha sa posesyon kag paghinakop ni Go ang tatlo tanan ka sachets sang ginaalegar shabu may kabug-aton nga ginabulubanta 6 gramos kag may balor P40,800; P3,000 nga buy bust money kun sa diin P500 lamang diri ang matuod nga kuwarta kag cellphone.
Magapangatubang sang kaso nga paglapas sa Republic Act 9165 ukon Comprehensive Dangerous Drugs Act of 2002 si Go. Sa karon, nagapabilin ini sa kustodiya sang Mambusao PNP para sa nagakaigo nga disposisyon. | Judy Ann Juare