Mabahoe ro epekto it pandemya bukon eamang sa mga estudyante kundi pati man sa mga manugturo nga padayunon ro passion sa pagtudlo.
Kaangut dikara, ro Center for Teaching Excellence it Western Visayas hay naglunsar it sambilog ka Virtual Training Series ku November 20, nga may paksa nga “Motivation: A Driving Force of an Extraordinary Teacher.”
Ro kahiwatan hay gin-intrahan it 90 ka mga manugturo halin sa Departament of Education ag iban pa nga mga kolehiyo ag unibersidad.
Raya hay ginlunsar it West Visayas State University (WVSU) ag Project FORTH (Formation of Teachers in Challenged Areas), sambilog ka proyekto nga ginpondohan it Erasmus+ Programme of the European Union.
Ro online seminar hay tuyo nga buligan ro mga manugturo nga mas mapanami pa ro personal, sosyal, ag propesyonal nga kabuhi . Mga de kalibre nga hanay it mga speakers ro nag-umpisa it online seminar.
Ro mga speakers hay kanday Randy Halasan, commissioner of the Presidential Commission for the Urban Poor; Dr. Jesus Insilada, Principal II it Malitbog NHS ag focal person for Indigenous People’s Education (IPED); ag Mrs. Concepcion Tababa, advocate it indigenous people ag the Alternative Learning System./JIL B. LACSON