Nilinaw ng Philippine Drug Enforcement Agency (PDEA) na P9.6B at hindi P13B ang halaga ng illegal ng droga na nakumpiska sa Alitagtag, Batangas.
Ayon kay PDEA Spokesperson Derrick Carreon, estimate lamang o pagtaya ang P13B na unang napaulat sa lugar kung saan ito nakumpiska.
Pero nang maiturn-over aniya sa PDEA laboratory service ang mga droga, lumitaw na ang aktuwal na timbang nito ay 1.4 tons.
Sa kabila nito, pinakamalaki at pinakamaraming droga pa rin ito na nakumpiska ng mga otoridad sa isang operasyon.