Nag courtesy sa taeatapan ni 𝗚𝗼𝘃𝗲𝗿𝗻𝗼𝗿 𝗙𝗿𝗲𝗱𝗲𝗻𝗶𝗹 “𝗢𝘁𝗼” 𝗖𝗮𝘀𝘁𝗿𝗼 ro pilang artista ag director it pagahimuon nga pelikula sa idaeum it Viva Communications Inc.
Raya hay bangud napili ro pilang lugar sa probinsya it Capiz bilang location site para sa shooting kung siin pagahiwatun ro pilang eksena sa pelikula.
Ro pelikula hay may titulong “PAMASAHE” sa direksyon ni Roman Perez Jr., ag ginabidahan nanday Mark Anthony Fernandez, Shirley Fuentes, Azi Acosta, Guji Lorenzana, Julio Diaz, AJ Oteyza ag Massimo Scofield.
Ginpasiguro man ni Gov. Castro nga igatao sa mga artista ag staff ro andang hinyo nga police assistance, service vehicle ag food packs para sa bilog nga grupo makarun nga adlaw sa pag-umpisa it andang shooting.
Samtang, nag-courtesy visit man ro nasambit nga cast ag production team sa opisina ni Roxas City Mayor Ronnie Dadivas bangud may pilang lugar man igto ro napili para maging venue sa shooting it andang pelikula. / ANN DESLENE SALAZAR