Handa umano ang Pilipinas, sakaling ideklara ng World Health Organization (WHO) ang pagtatapos sa global health emergency dahil sa COVID-19.
Batay sa ulat, nakatakdang magpulong ang WHO Emergency Committee sa January 27 ra ikonsidera kung ang COVID-19 ay kumakatawan parin sa global emergency, tatlong taon matapos ideklara ang naturang pandemya.
Ayon kay Department of Health (DOH) officer-in-charge Maria Rosario Vergeire, na kung sakaling mang tanggalin na ang state of public health emergency, mananatili umanong “cautious at vigilant” ang bansa laban coronavirus, at ipapatupad parin ang kaparehong mga restrictions.
Matatandaan na noong December 2022, nagpahayag ang WHO pagnanais na hindi na maging global health emergency ang COVID-19 ngayong 2023.
Hinimok din nila ang China, na magbahagi ng impormasyon na tutukoy kung papaanu talaga nagsimula ang pandemya.