Aprubado na sa Committee of the Whole ang Resolution of Both Houses Number 7 o ang isinusulong na economic Charter Change o Cha-Cha.
Pumasa ngayong araw ang RBH Number 7 makalipas ang ilang oras na deliberasyon kung saan kabilang sa tumutol ang mga miyembro ng Makabayan Bloc.
Ayon kay House Deputy Majority Leader Neptali Gonzales II, kailangan pang i-adopt ang committee report nito, bago idiretso sa plenaryo ng Kamara para sa second reading.
Sa pagtaya ni Gonzales, aabot ito ng tatlong araw o mula March 11, 12 at 13.
Pero inaasahang mabilis naman ito dahil ang interpelasyon ay sa pagitan na lamang ng mga kongresista na magsisilbing interpellators at sponsor.