“ The form and substance already constitute a valid complaint”.
Ini amo ang panugda-on ni Negros Occidental Provincial Administrator Atty. Rayfrando Diaz II nahanungod sa pag-file sang Progressive Alliance of Capitol Employees sang formal administrative complaint batok kay Provincial Human Resource Management Office Head Atty Annabelle Palic sa talatapan ni Governor Eugenio Jose Lacson.
Sandig kay Diaz, ang gobernador amo ang may kinamatarong agud mandu-an si Palic sa pag-file sang iya sini formal counter affidavit sa mga alegasyon nakapagkit sa reklamo nga ginpasaka sang PACE kag hulaton kun anu ang mangin pamat-od ni Governor Lacson natuhoy sa nasambit nga isyu.
Suno kay Diaz pwede maapelar ni Atty Palic sa talatapan sang Civil Service Commission ang iya sini nga kaso.