Kinumpirma ng Task Force El Niño na umabot na sa 100 lungsod at munisipalidad ang nagdeklara ng state of calamity dahil sa matinding init.
Ayon kay Task Force El Niño spokesperson Joey Villarama, karamihan sa mga nagdeklara nito ay dahil sa pinsalang tinatamo sa agrikultura at kawalan ng tubig.
Mayroon umanong 5 probinsya na sumailalim na sa state of calamity, habang ang ibang bayan naman ay nag-declare individually.
Kasabay nito, binigyang-diin ni Villarama na agarang magagamit ang local calamity fund ng LGU sa sandaling magdeklara ng state of calamity.
Samantala, tiniyak naman din umano ng Department of Agriculture na sapat ang suplay ng pagkain sa ngayon.