Sugatan ang apat na katao matapos magsalpukan ang dalawang motor minamaneho ng mga ito sa Barangay Mabutag, Buenavista, Quezon nitong Lunes, Abril 22.
Lumabas sa imbestigasyon na binabagtas noon ng motor na minamaneho ni alyas “Allan” ang direksyon patungo sa town proper nang okupahin ni alyas “John” ang lane na nagresulta sa kanilang salpukan.
Parehong nagtamo ng mga injury sa iba’t-ibang bahagi ng katawan ang mga sakay noon ng dalawang motor kung kaya isinugod ang mga ito sa hospital para malapatan ng lunas.
Sa ngayon, patuloy pa rin ang isinasagawang imbestigasyon ng mga awtoridad hinggil sa aksidente.