Napukaw ang pipila ka mga residente sa Sitio Bitan-Agan, Barangay Dahican, Mati City human adunay grass fire nga nakita sa sayo’ng kabuntagon pasado alas 4.
Daling mi-responde ang usa ka nagpakabana’ng volunteer sa Kaakibat Civicom International Inc.-159 Mati City Chapter ug nanawag sa mga personahe sa Bureau of Fire Protection (BFP) Mati City aron matabangan og palong ang mga bunot nga ginaling nga gilanapan sa kalayo.
Sa pagpanubay sa brigada mati, ug sa interview kang gerald maynambong, volunteer sa kaakibat civicom, nasayran nga nagsugod ang maong grass fire niadto pa’ng niaging adlaw bandang alas 3 sa hapon ug na patay kini sa pagtinabangay sa katawhan sa maong lugar apan wala sila magdahom pagkabuntag niini aduna nasa’y kalayo ug aso ang ilang nakita sa mga pinundok nga bunot hinungdan nga nagpatabang na sila sa mga bombero.
Samtang, upat ka tangke sa tubig sa fire truck ang nagamit usa gideklarang fire out bandang alas 10:35 sa buntag.