WALA’Y ‘serial killer’ nga nagpaluyo sa insidente sa pagpatay ug pagpangawat nga natala sa Barangay Fatima, GenSan. Matud ni Police Major Dennis Yuson, hepe sa Fatima Police Station napasakaan na nila og kaso ang nagpaluyo sa unang insidente.
Hinungdan nga nagtuo kining duna’y pipila ka indibidwal nga buot lang mangawat og mopalag ang biktima didto na patyon. Sa karon, wala pa’y ‘lead’ sa kaso sa pagpatay kang Virginia Ilmining, 71-anyos, kanhi OFW ug tresurera sa GKK. Apan naglaom si Yuson nga duna sila’y makuhang impormasyon sa makuha nilang kuha sa CCTV duol sa lugar asa nahitabo ang krimen.
Wala pa usab matudlo nga Person of Interest (POI) ang kapulisan tungod sa kasamtangang pagpahigayon og imbestigasyon. Luyo niini, gisiguro ni Yuson nga hapsay ang sitwasyon sa seguridad sa maong barangay ug sa ubang lugar nga ginsakopan nila. Kahibaloan Sabado alas-6 sa gabii, napalgang patay si Ilming nga dunay samad dinunggaban sa lawas ug sulayan og golgol ang liog.
Nawala ang ang cellphone niini, hinungdan nga ang labing duol nga motibo mao ang pagpangawat. Una nang, nagtuo si Kapitan Renante Curit nga posibleng dunay serial killer sa lugar tungod sa paagi sa pagpatay sa ginang karon ug sa mga nakalabay’ng insidente. I Richel Gubalani