Natalana paga-aprubahan sa palaabuton nga martes nga adlaw sang Sangguniang Panlalawigan sang Negros Occidental tuigan sini nga probinsyal budget nagalambot sa 5.7 bilyunes pesos para sa tuig 2022.
Ini ang pagklaro ni Vice Governor Jeffrey Ferrer kun sa diin dugang sini nga pahayag nga mas abanse ang pag-aprubar para sa masunod nga tuig nga budget kun ikumparar sa 2021 nga budget sang probinsya nga nalab-utan sa katapusan nga bahin sang bulan sang Noviembre.
Sandig sa bise-gobernador pagasiguraduhon sang mga katapo sang provincial board nga plastado ang kinahanglanon nga pundo para sa Covid response sang gobyerno probinsyal kag sa ginahatag nga serbisyo sang mga frontliners ilabi na sa bahin sang mga hospital sang probinsya.
Si Ferrer ang nagsugilanon kahapon nga adlaw upod kay Governor Eugenio Jose Lacson kag Provincial Administrator Atty. Rayfrando Diaz II sa diin ila na-estoryahan ang nahanungod sa operasyon sang mga hospital sa probinsya, kahimtangan sang mga Covid patients kag subong man ang sa bahin sang “additional flights” sang duha pa gid ka mga airlines Manila-Bacolod Silay Airport vice-versa.