LEGAZPI CITY – Kinumpirma ng Department of Agriculture (DA) Bicol na 58 agri-fishery enterprises mula sa Bicol ang idineklara bilang provincial awardees.
Ayon sa DA Bicol, tatanggap ng P50,000 grant assistance para sa indibidwal at P100,000 para sa group-managed agri-fishery enterprise na magsisilbing start-up capital para sa kanilang indibidwal o grupong pinamamahalaan ang agri-fishery venture.
Ang mga aplikante ay nasuri sa mga sumusunod na pamantayan:
• Entrepreneurial attribute
• Innovativeness
• Revenue stream of the business proposal
• Value addition
• Social Responsibility
Ang lahat ng awardees na ito ay magiging contenders para sa regional search sa buwan ng Oktubre kung saan pitong awardees na P150,000 bawat rehiyon at labindalawang awardees na P300,000 sa national level ang pipiliin.