BICOL – PIGLALAOMAN puon ngunyan na bulan nin Hulyo na reresibe na kan mga paratukdo sa mga pampublikong eskwelahan an saindang cash allowance para sa school year 2021-2022.
Ini mismo an kinumpirmar ni Mayflor Jumamil, tagapagtaram kan Department of Education o Deped-Bicol.
Segun digdi, gikan sa dating tres mil de pesos ginibo nang singko Milan nasabing cash allowance kun saen kabale sa mga makakaresibe kaini an mga paratukdo sa Alternative Learning System o ALS, mobile and district ALS coordinator asin community learning centers teachers.
Target soboot na mapunan an pambabariwas kaini ngunyan na Hulyo asin magdadagos dagos sa mga masunod pang bulan.
Paliwanag ni Jumamil, aram kan Deped an pangangaipo kan mga paratukdo ngunyan na nagpapadagos an distance learning.
Aminado ini na dawa igwang mga nagdo donate asin igwang makinarya sa pagcrear nin modules bako bastante an pondo kan mga paratukdo para sa pag-produce nin iba pang learning materials asin iba pang gastuson sa pagtutukdo.
Katakod kaini naglalaom an Deped na sa paagi kaini mas magiging preparado an mga paratukdo para sa nakatalaan na pagbubukas nin klase sa bagong school year sa tahaw kan pandemya.