PATAY ang usa lalaki human gipusil sa wala mailang tawo sa Purok 2, Mation,Barangay Bentung Polomolok, South Cotabato. Sa inisyal nga taho gikan sa Polomolok Municipal Police Station, alas-11:45 ganinang buntag, dihang dunay concern citizen nga mitawag sa presinto.
Gilayon kining girespondehan sa kapulisan og nakita ang nagbuy-od nga lalaki nga wala nay kinabuhi sa maong lugar. Sa taho sa presinto, giila ang biktima sa pagpamusil nga si Leonard Sosoter, 27-anyos, collector sa lending foundation ug residente sa Sultan Kudarat.
Dugang sa impormasyon nga riding in tandem criminals ang gituohang responsable sa labing ulahing insidente sa pagpamusil. Samtang wala pa’y gihatag nga pamahayag si Police Lt.Col Joseph Forro iii, hepe sa presinto sa lugar. Apan nagpadayon ang paggukod sumala pa sa mga personalidad nga mihimo sa krimen. I Richel Gubalani