NAGSUGOD na ang election period alas 12 sa gabei Enero 9, 2022 nga mulongtad hangtud sa Hunyo 8 sa kasamtangan nga tuig.
Tungod niini gipahigayon ang nationwide kickoff sa election period ug simultaneous checkpoints nga gihimo sa kapulisan ug Comelec Officers.
Ang General Santos City Police Office gipangunahan ni PCol. Gilberto Tuzon samtang ang City Comelec Office gipangunahan ni Atty. Sittie Sharmaine Papandayan Garangan ang pag- inspection sa 13 ka mga checkpoints, walo ka checkpoints niini anaa sa area of responsibility sa mga police stations ug lima ka mga border checkpoints nga anaa sa Barangay Mabuhay, Tinagacan, Buayan, DARBCI ug Bawing.
Ang ubang checkpoints anaa sa Kababayan Center sa Barangay North; Kulasi, Labangal; J. Catolico Avenue, Lagao; Hagnaan, Mabuhay; Puting Bato, Calumpang; Amao Road, Bula ug kanto FilAm Road MSU.
Ang Comelec checkpoint adunay pahibalo sa mga motorista nga mag slow down, ma cooperate pinaagi sa una, ipaubos ang salamin sa sakyanan, switch off ang headlight, switch on ang cabin light ug i-andam ang drivers license ug vehicle registration.
Sumala kay Atty. Garangan nga bawal na ang pagdala og armas bisan may papelis luwas lang kon may pagtugot gikan sa Comelec pinaagi sa Certificate of Authority. I Ver Diazon