MIRE-ECHO ang tigdumala sa pribadong ospital sa panawagang mas estriktong quarantine status sa GenSan. Dungan sa pagkapuno sa bed capacity sa mga ospital, kakulangon sa oxygen supply ug ubang medical equipment’s lakip manpower.
Matud ni Antonio Veneracion, Chief Operating Officer sa St. Elizabeth Hospital (SEH) ug usa sa COVID-19 referral hospital, kinahanglan nang modesisyon sa mga opisyal sa LGU partikular sa City Inter- Agency Task Force on COVID-19 (CIATF) kung paunsa mabalanse ang ekonomiya partikular na ang maigo nga gagmay negosyante ug mga empleyado nga mawad-an og trabaho.
Sa kasamtangang health crisis nga giatubang dungan sa posibleng pag-collapse sa health care system ug dili mapaubos ang kaso sa virus. Una nang, gibutyag ni Dr. Fidel Peñamante, president sa Philippine Medical Association (PMA) GenSan- chapter niadtong Hunyo pa nila nakita ang pagsaka sa number sa impeksyon sa dakbayan luyo sa padayong vaccination rollout.
Sa ulahing pamahayag ni Mayor Ronnel Rivera, moapela sila subling sa NIATF aron isaka sa GCQ with heightened restrictions ang status sa GenSan gikan sa kasamtangang regular GCQ classification. ( Richel Gubalani)
Photo: Rommel Rebollido