Gintaw-an it bug-at it Mines and Geosciences Bureau (MGB) Region 6 ro importansiya it geological hazard maps sa disaster preparedness measures it local government units (LGUs).
Ro MGB-6 ag Department of Environment and Natural Resources (DENR) hay may mandato nga magahiwat it mga assessments sa hydrometeorological hazards.
Ro tanan nga 133 syudad ag munisipalidad sa region 6 hay igapa-idaeom sa assessment ag mapping agud masayuran kung delikado raya sa mga kalamidad kapareho eun eamang it landslide ag pagbaha.
Raya ro magiging guideline it mga lokal nga otoridad para masayuran ro mga lugar nga delikado ag mataw-an sanda it ideya sa tama nga direksyon agud mapatuman ro andang mga development plans.
Ginhambaean man it taeatapan ro mga LGUs nga gamiton ro mga geohazard maps, kapin pa makarang tiempo nga may ginaabangan nga mga hydrometeorological hazards./JIL B. LACSON