Naglulutaw lutaw ha tubig ngan waray han kinabuhi han mahitad-an an usa nga pito pala kabulan nga baby ha Brgy. Candasig, Gandara, Samar.
Ha pakipag himangraw han Brigada News Fm Tacloban kan Police Major Proven Troy Castro, Chief of Police han Gandara Municipal Police Station, nga nabaruan nga dida pa han nakalabay nga sabado natabo an insidente kun diin tikang ha Brgy. Canhumawig an pamilya han biktima sakay hin usa nga pumpboat tipakadto ha Brgy. Buao, han masulod hin tubig an pamboat ngan ma-out of balance rason agud aksidente kabul-ewi an biktima.
Subay kan PMAJ. Castro nag papadayon yana an ira mahugot nga imbistigasyon ha nagin kawsa han insidente kun diin overloaded daw an pumpboat rason han kalunod hini.
Ginprobaran pa nga matal-was an bata pero mahitungod han makusog nga uran ngan makusog nga agus han tubig waray na ini mahitalwas pa.
Ha butnga hini, in dayon nagdumara hin search and retrieval operation an mga otoridad diin mahuman an sobra duha kaadlaw natad-an an patay nga lawas han baby nga nalutaw na.