MALAY, AKLAN—Umarangkada eon do vaccination roll out para sa mga healthcare workers (A1) ag senior citizen (A2) sa isla ng Boracay.
Raya hay ginpangunahan mismo ni Department of Heath 6 Regional Director Dr. Emilia Monicimpo ag gintambungan man nanday Malay acting Mayor Floribar Bautista, Mr. Edwin Raymundo, General Manager it Paradise Garden Resort Hotel and Convention Center, Dr. Leslie Ann Luces it PHO Aklan ag Dr. Athena Magdamit it MHO Malay.
Nasayuran nga do unang dose it COVID-19 vaccines para sa Boracay hay igatao sa 135 nga mga nakaparehistrong senior citizen ag pilang nabilin nga workers sa frontline health services.
Samtang, plano man it LGU Malay nga dugangan pa do mga vaccination sites agud nga mas maabong tawo do maakomodar nga gustong magpabakuna. // SHERRY ANNE REUNIR-VIDAL