BICOL – SARONG Youth Leadership Camp an pig-organisar sa rehiyon sa obhetong mas urog pang pakusugon asin hulmahon an mga kahovenesan na Bicolano bilang mga responsableng lider.
Isinagibo an Serbisyo Caravan of the Bicol Youth Leadership Camp: Improving Youth Participation in Local Governance na igwang temang, “Mga Jovenes na Bikolano para sa Marhay na Pag-Gobierno” sa banwaan kan Sto. Domingo, Albay kan nakalihis na aldaw na inorganisar mismo kan Department of Interior and Local Government o DILG-Bicol.
Obheto kan nasabing aktibidad na tawan nin “avenue” an mga kahovenesan tanganing aktibong makisumaro sa local governance mantang pigpipreparar man sinda na maging maray na mga lider sa ngapit na panahon.
Pigkakarkolong nasa sisenta y sais na pamayo nin kahovenesan gikan sa man iba ibang barangay,eskwelahan , relihiyon, asin organisasyon nin kahovenesan gikan sa provincial nin Albay an nagpartsisipar , siring man an mga opisyal gikan sa National Government Agencies (NGAs).
Apwera digdi nagpartisipar man an DENR Bicol sa Solution-Seeking Dialogue kun saen pig diskutir an nagkapirang importanteng isyu na pigdeterminar mismo kan mga partisipantes na kahovenesa na iyo man target na simbagan kan mga concerned government agencies.
Apwera digdi nagkaigwa man nin opurtunidad an mga kahovenesan na makakoordinar an DENR para sa hurot nindang mga seedlings asin matukar an nagkapirang isyu dapit sa solid waste management.
Positibo man an DILG asin DENR na sa paagi kan siring na mga aktibidan maipapamate sa mga kahovenesan na sinda an igwang boses asin kakayanan tanganing mamayo asin maginisyar nin pagbabago.