Bubuksan na ng Department of Agriculture ang ng Fruit and Vegetable Processing Center na nakikitang solusyon upang maiwasan ang pagtatapon ng oversupply na gulay at prutas.
Matatagpuan ang center sa loob mismo ng Nueva Vizcaya Agricultural Terminal sa Bayan ng Bambang, Nueva Vizcaya.
Sa pagbubukas nito ay personal na binisita ni DA Senior Undersecretary Domingo Panganiban ang naturang lalawigan para magsagawa ng actual testing.
Umaasa rin ito na matutugunan na ng center ang problema sa oversupply na siyang dahilan kung bakit maraming gulay at prutas ang itinatapon na lang.
Pinagsama-sama naman ang pwersa ng Department of Agriculture, NVAT at Nueva Vizcaya Provincial Government upang makalikom ng 51 milion pesos na siyang kabuuang halaga ng nasabing pasilidad.