LEGAZPI CITY – Uminabot sa nasa 150,000 na mga tilapia fingerlings an dinistribwer kan Bureau of Fisheries and Aquatic Resources (BFAR) Albay sa mga Small Backyard farmers asin fishpond operators sa banwaan kan Sto. Domingo, Albay
Segun kay Mayor Jun Aguas, ini an ikaduwang beses niyang hagad tabang sa ahensya puon kan pandemya, kun saen tulos man na naitao para sa mga benepisyaryo.
Pakiolay kan alkalde na magbilog nin organisasyon an mga fishpond operators tanganing matawan sinda kada quarter nin pondo.
Segun man sa BFAR, nagluluya na an suplay kan mga aquaculture products sa probinsya siring kan tilapia kaya dapat dakol an mag-ataman kaini.
Anuman su boot na mga organisasyon ki parasira, paraoma o LGU na gustong mag-request sa BFAR, dae su boot sasayumahan kan ahensiya.
Tinawan-doon man ni BFAR Albay Field Officer, Alvin Christopher Lat, atamanon nin maray an mga itinaong tilapya bilang balos sa esfuersos kan gobyerno.