Ginserbihan it arrest warrant it Oton PNP ag 1st Iloilo PMFC si Samuel Medel, 37 anyos nga Top 2 most wanted person sa nasambit nga banwa ag residente it Barangay San Nicolas, Oton, Iloilo sa kasong Sexual Abuse.
Ginserbi man it Santa Barbara PNP ro sangka menor de edad nga Top 3 most wanted ag residente it Barangay Balabag, Santa Barbara, Iloilo sa kasong Frustrated Murder.
Kulong eon sa Oton ag Santa Barbara PNP ro mga suspek ag may ginrekomendang piyansa para sa andang temporaryo nga kahilwayan.
Naka aresto man it daywang wanted persons ro Sara PNP nga sanday Rodolfo Calinao, 43 anyos ag residente it Barangay Labigan ag Lody Dela Cruz, 21 anyos nga residente it Barangay Bagacay, Sara, Iloilo sa kasong pagpanakaw.
Arestado man it Ajuy PNP sanday Ramcies Demalinao, 32 anyos ag residente it Barangay Guinticgan, Carles ag Erlyn Joy Barber, 34 anyos nga residente it Barangay Pili, Ajuy, Iloilo sa kasong pag eabag sa RA 9287 ag Estafa.
Ginserbihan man it arrest warrant it San Enrique ro daywa ka wanted persons nga ginkilaea nga sanday Josephine Aboy, 42 anyos, Jomar Dalen, 50 anyos nga mga residente it Barangay Camiri, San Enrique, Iloilo.
Nakaaresto man it tig-sambilog nga wanted person ro Calinog, Guimbal, Santa Barbara, Dumangas, New Lucena, Lemery, Balasan ag Janiuay PNP. / ANN DESLENE SALAZAR