KALIBO, AKLAN—Nagaabot eon sa 16% sa eligible population sa probinsya it Aklan do fully vaccinated as of August 23, 2021.
Base sa ginpaguwa nga datos it Aklan Provincial Health Office (PHO), may una nga 44,188 individuals maghalin sa A1, A2, A3 at A4 groups do nakabaton it andang second doses it COVID-19 vaccine ag 84,248 man do nakabaton it andang first shot.
Sa nasambit nga datos, 13,720 nga mga healthcare workers do nabakunahan it andang first dose ukon katumbas it 99% ag 11,023 ukon 79% sa 13,899 individuals sa A1 priority list do fully vaccinated.
Samtang, do probinsya hay nakapagpabakuna eon it 30,542 nga mga senior citizen para sa andang first dose ukon 50 percent ag 20,205 do may second doses ukon 33 percent maghalin sa 60,837 target population sa A2 priority list.
Sa pihak nga parte, nagaabot man sa kabilugan nga 16,304 ukon 47 percent it mga economic front line workers (A4) do nakabaton it kanilang first dose ag 1,544 ukon four percent do fully vaccinated.
Nasayuran nga agud nga maabot do herd immunity, kinahangean nga mabakunahan do 279,214 ukon 70% sa 398,877 nga populasyon sa Aklan. // SHERRY ANNE REUNIR-VIDAL